Maia gostaba más di Sábadu ki kalker otu dia di simana. Éra kel úniku dia ki el ka tinha skóla, trabadju di kaza, ô lison di pianu. Kel Sábadu klaru i ku sol fórti, Maia staba xintadu na varanda ku se ropa di brinka prifiridu, ku un tijéla grandi di jeladu di baunilha. Se kabelu roladu sima dôs sabóla na se kabésa, i se óklus dixi pa pónta di se narís óras ki el da un sorizu ku primeru kudjer di jeladu frésku.
El faze jeladu ku se avó kel manhan sédu. "Segredu," avó fla baxinhu, "é amor i más un bokadu di asukra." Maia ri déntu di el, timenti el mistura tudu ingridienti ku kuidadu, sô na sunha ku gostu. Gósi gó, el panha un kudjer di jeladu uma grandi i fuap!! Poi na bóka…kel jeladu uma dósi kumesa ta dindireti na se língua…sábi dimás!…nau! spéra!, sábi pa frónta!… el xinti orgulhu. Ka éra sô jeladu, éra Jeladu ki el faze ku se mô, éra se kriason.
